Вардар е казнет со 250.000 евра за незаконско работење во периодот до 2024 година.
Како што информираше извршниот директор на клубот, Миленко Неделковски на денешниот брифинг со македонските медиуми, актуелниот шампион спогодбено се договорил со УЕФА за казна од 250.00 евра и засилен мониторинг во следните три години, за незаконските дејствувања на администрацијата.
„УЕФА не испитуваше десет месеци и постигнавме спогодба да платиме казна од 250.000 евра и да сме под засилен мониторинг три години, да не го повториме делото, а ако го повториме ќе не суспендираат. Двојно книговодство за 23/24 сезона. Има пријава за двајца играчи Дарко Глишиќ и Мартин Блажевски кои имале потпишано двојни договори, и плус исплата на играчи од други фирми“ – информираше Неделковски и дополни:
„Тие беа многу оперативни, ние не знаевме дека постои тоа, и ништо не било дадено на клубот и немаше ништо кај книговодителите и се појави фалсификуван печат. Пријавено е до обвинителство, која го поднесе на финансиска полиција која ги гони лицата. УЕФА има сериозно влезено во сето тоа. Најстрого што казнија е поради тие два двојни договори и за било што што пишува во пресудата е минимум шест месрци пред мене“.
Неделковски информираше и за расчистувањето на долгот на клубот…
„Досега долгот е минимум 10,5 милиони евра, а ние расчистивме шест милиони евра. Блага проценка е дека само каматите од долговите ќе бидат еден милион евра. Ни треба уште две години за да го расчостиме, ако имаме успех тоа ќе биде и побрзо. Банките гледаат дека последните две години работиме одлично, па немаме проблеми со лизинг, кредити… Имаме и 700.000 евра бруто добивка за 2025 година“ – истакна Неделковски.
Крадењето авторски текстови е казниво со закон. Преземањето на авторски содржини (текстови и фотографии), како и нивно линкување НЕ е дозволено без согласност од Редакцијата на ЕКИПА
