Огромна трагедија го надвисна фудбалскиот свет. Капитенот на Фиорентина, 31-годишниот Давиде Астори пронајден е мртов во хотелска соба во Удине во пресрет на денешниот натпревар од Серија А против Удинезе. Првите информации говорат дека Астори починал во сон.
„Фиорентина е длабоко потресена што мора да објави дека нејзиниот капитен Давиде Астори почина неочекувано денеска. Поради деликатната ситуација, и пред се поради почит кон семејството, не можеме да излеземе во моментов со повеќе детали“ – информираа од италијанскиот прволигаш.
Токму поради оваа трагедија одложени се сите денешните натпревари во Серија А.
Астори беше капитен на Фиорентина и италијански репрезентативец од 2011 година со вкупно 14 настапи за „аѕурите“.
Крадењето авторски текстови е казниво со закон. Преземањето на авторски содржини (текстови и фотографии), како и нивно линкување НЕ е дозволено без согласност од Редакцијата на ЕКИПА