Играчот на Реал Мадрид, Карим Бензема е освојувачот на Златната топка, која ја доделува „Франс фудбал“ за најдобриот фудбалер на светот. Бензема со одличните игри и со титулата во Шпанија и во ЛШ, ја заслужи оваа награда. Во истиот избор неговиот соиграч од националниот тим Килијан Мбапе го освои шестото место, а неговото доаѓање на спектаклот во Париз покажа дека повеќе не е омилен во главниот град на Франција.
Веќе долго време се пишува како Мбапе не е задоволен во ПСЖ. Се споменуваше дека ќе си замине, па потпиша нов договор, за сега повторно да се шпекулира дека е незадоволен и дека би можел да си оди уште во јануари.
Медиумите пишуваа за неговото незадоволство, за наредбите и караниците во соблекувалната, нетрпеливост со Нејмар, превземање на преголема контрола на екипата со влијание на новите засилувања. Сето тоа се собираше, а навивачите вчера му покажаа што мислат со тоа што го исвиркуваа за време на неговото пристигнување.
Мбапе со неговите потези ги лути и навивачите на ПСЖ, но и навивачите на репрезентацијата. После свирежите и самиот беше незадоволен поради изборот на Златката топка да биде само шести, надевајќи се на повисок пласман.
.@KMbappe has arrived at the Theater of Chatelet with his dad 👀#ballondor pic.twitter.com/L0WwpOGGvn
— Ballon d’Or #ballondor (@francefootball) October 17, 2022
Крадењето авторски текстови е казниво со закон. Преземањето на авторски содржини (текстови и фотографии), како и нивно линкување НЕ е дозволено без согласност од Редакцијата на ЕКИПА
