ЕКИПА во Рим,
Никола Станикевски
Фудбалската репрезентација на Македонија има негатива од 3-0 на полувреме на гостувањето кај Италија во квалификациите за пласман на Европското првенство кое следната година ќе се игра во Германија. Нашите фудбалери одиграа едно во најмала рака слабо прво полувреме, во кое во сите 45 минути беа инфериорни на терено, а во одбраната дозволуваа многу простор на одличните италијански фудбалери.
Првата мини-шанса во натпреварот ја имаше Македонија кога во шестата минута Елмас имаше отворен простор по левата страна, но нашиот „дијамант“ не биеше баш најдобро, а неговиот удар го блокираше Дармијан.
Аѕурите успеаја да ја затресат мрежата на Македонија во 13. минута преку Џакомо Распадори, но голот по проверка на ВАР беше поништен поради офсајд. Италијанците повторно се заканија во 16. минута кога Киеза биеше, но неговиот удар одлично го скроти Столе Димитриевски. Следеше корнер за Италија по кој домаќините преку Дармијан поведоа со 1-0 во 17. минута.
Matteo Darmian’s goal for Italy against North Macedonia. 🇮🇹⚽️ pic.twitter.com/pQnH1NjXwe
— Inter Xtra (@Inter_Xtra) November 17, 2023
Домашната репрезентација имаше нова шанса во 30. минута кога Киеза повторно биеше кон нашиот гол, но беше успешно изблокиран. Македонија беше индиспонирана и во продолжението на првото полувреме, а новата закана од противникот стигна во 36. минута кога Распадори биеше кон нашиот гол, но неговиот удар заврши над пречката.
По третиот корнер на Италија, Серафимов неспретно играше со рака во нашиот шеснаесетник, по што главниот судија Феликс Цвајер во 38. минута покажа на белата точка. Одговорноста да го изведе казнениот удар ја имаше повратникот во репрезентацијата Жоржињо, но Столе Димитриевски уште еднаш покажа дека е еден од најдобрите голмани моментално во Европа успевајќи на маестрален начин да го спречи обидот на Италијанецот. „Аѕурите“ продолжија со уверливата игра, а само две минути по пеналот повторно нашата слаба реакција во одбраната ја искористи Федерико Киеза кој со удар од шеснаесетина метри зголеми на 2-0.
🚨🚨| GOAL: Chiesa scores for Italy.
Italy 2-0 North Macedonia
— CentreGoals. (@centregoals) November 17, 2023
Истиот фудбалер до крајот на првиот дел со неверојатен погодок донесе нова радосто за домаќините во третата минута од судиското продолжение за 3-0.
⚽️🇪🇺 GOAL | Italy 3-0 North Macedonia | Chiesa
CHIESA MAKES IT THREE!pic.twitter.com/FAXRs3QY6h
— Tekkers Foot (@tekkersfoot) November 17, 2023
МАКЕДОНИЈА: Димитриевски, Aлиоски, Муслиу, Серафимов, Манев, Димоски, Адеми, Елези, Барди, Елмас, Миовски.
ЗАМЕНИ: Алексовски, Шишковски, Илјазовски, Ашковски, Чурлинов, Митровски, Давид Бабунски, Алими, Милан Ристовски, Даци, Атанасов, Тодороски.
ИТАЛИЈА: Донарума, Дармијан (17′), Гати, Ачерби, Димарко, Барела, Жоржињо, Бонавентура, Берарди, Киеза (41′, 45+3′), Распадори.
ЗАМЕНИ: Проведел, Карнеши, Лазари, Манчини, Бонџорно, Скамака, Кристанте, Фратези, Политано, Заниоло, Ел Шарави, Камбијасо.
Крадењето авторски текстови е казниво со закон. Преземањето на авторски содржини (текстови и фотографии), како и нивно линкување НЕ е дозволено без согласност од Редакцијата на ЕКИПА
