Шпанија поуспешна од Словенија во дербито во Мец
Во директниот дуел за првото место во Групата Б во Мец, Шпанија ја победи Словенија со 36-26 и без загубен бод во петте натпревари, заврши на првото место во групата. Во осминафиналето, Шпанците ќе играат со Бразил, кој е четвртопласиран во групата А. Словенија по овој прв пораз и загубениот бод против Тунис во претходното коло, остана на вторто место и во осминафиналето оди на дуел со Русија.
Словенците имаа водство од 1-3 на почетокот од натпреварот, но потоа Шпанија направи серија од 4-0 и од 11. Минута го презеде водството. Избраниците на Веселин Вујовиќ не успеаја да се вратат во игра, премногу грешеа, а Шпанците секоја грешка ја казнуваа со гол и уште на полувремето имаа недостижни осум гола предност (18-10).
Ни вториот дел не донесе некоја голема промена во играта и во односот на силите на теренот во „Мец Арена“. Шпанија ја одржуваше позитивата, а Словенците делуваа уморно и повторно премногу грешеа за да го сменат резултатот, а на крај веќе и се штедеа силите за следната фаза на мундијалот.
Давид Балагер со седум и Валеро Ривера со шест гола беа најефикасни во составот на Шпанија. Кај Словенците
Група Б
Резултати 5.коло: Тунис – Ангола 43-34, Македонија – Исланд 27-27, Шпанија – Словенија 38-28.
Табела: Шпанија 10, Словенија 7, Македонија 5, Исланд 4, Тунис 4, Ангола 0.
Крадењето авторски текстови е казниво со закон. Преземањето на авторски содржини (текстови и фотографии), како и нивно линкување НЕ е дозволено без согласност од Редакцијата на ЕКИПА
