Швајцарскиот тим во алпско скијање во состав Делфин Дарбелеј, Ливио Симоне, Андреа Еленбергер и Фадри Жанутан стигнаа до победата во тимскиот паралел велеслалом кој се возеше во францускиот Мерибел. Тие во финалето славеа над Австирскиот тим во состав Рикарда Хасер, Штефан Бренштајнер, Катарина Трупе и Патрик Форштајн со 3-1.
Третото место и припадна на екипата на Германија во состав Антониа Кермер, Жулијан Рауфус, Лена Дир и Фабијан Грац кои во малото финале беа подобри од Норвежаните, кои денеска настапија во состав Теа Луиз Стјернесунд, Вилкенс Фабијан Солхајм, Мариа Терезе Твиберг и Лајф Кристијан Нестволд-Хауген.
Утре на програмата се трките во велеслалом во машка и слалом во женска категорија.
Крадењето авторски текстови е казниво со закон. Преземањето на авторски содржини (текстови и фотографии), како и нивно линкување НЕ е дозволено без согласност од Редакцијата на ЕКИПА
