Шведската репрезентативка Луиз Санд на 26-годишна возрaст стави крај на ракометната кариера од една помалку необична причина – затоа што сака да го промени полот.
Санд го прекина договорот и со францускиот клуб Флери и јавно ги потврди своите планови.
„Не ми е грижа дали луѓето ме сакаат или не. Она што ми е важно е дека конечно го правам тоа што го сакам. Официјално ја завршувам кариерата. Од осум години играм ракомет, ракометот беше мојот живот“ – изјави Санд.
Шведската ракометарка реши јавно да проговори за својата одлука знаејќи дека не може да го избегне интересот како јавна личност.
„Јас сум родена во погрешно тело. И за мене е големо олеснување што конечно ќе можам да го живеам животот како што сакам. Добро е што ќе можам отворено да зборувам за моите сфаќања, ова го правам и за моите најблиски кои не ќе мора да лажат за мене“ – вели Луиз Санд која по промената на полот ќе стане Луи Санд.
Црномурестата ракометарка за репрезентацијата на Шведска има одиграно 105 натпревари.
Крадењето авторски текстови е казниво со закон. Преземањето на авторски содржини (текстови и фотографии), како и нивно линкување НЕ е дозволено без согласност од Редакцијата на ЕКИПА