Фаворитите немаа проблеми да стигнат до посакуваните бодови на стартот од новата рунда во ракометната Супер-лига, откако Пролет, Тиквеш и Бутел стигнаа до победи против тимови кои важеа за аутсајдери во пресметките против нив.
Пролет славеше со 25-34 на гостувањето во Кисела Вода против тимот на Јуниор. Домаќините подобро го почнаа дуелот, имаа водство од 8-5, но остатокот од мечот мина во знакот на ракометарите на Пролет. Оваа екипа најпрвин на одмор замина со водство од 14-16, за потоа целосно да го скрши отпорот на Јуниор и да слави со конечни „плус девет“. Пецаковски постигна седум, а Џонов и Јагуриновски по шест гола за победничкиот тим.
До нови бодови во истата група стигна и Тиквеш, триумфирајќи пред своите гледачи против Скопје со резултат 30-27. Единаесет различни ракометари се запишаа меѓу стрелците за кавадарчани, а најефикасен беше Симиќ со седум погодоци.
Бутел не виде мака на домашен терен против Вардар Неготино, славејќи со 31-24. „Бутелци“ уште во раната фаза поведоа со шест гола предност (9-3), што рутински ја одржуваа до самиот крај на натпреварот. Стефан Крстевски со единаесет поени го предводеше Бутел во оваа победа.
Крадењето авторски текстови е казниво со закон. Преземањето на авторски содржини (текстови и фотографии), како и нивно линкување НЕ е дозволено без согласност од Редакцијата на ЕКИПА
