Французинот Чарлс Кофи Аколатсе е најновото засилување на Силекс за пролетниот дел од сезоната.
Кратовци се засилија со 23-годишниот фудбалер од средниот ред, потпишувајќи договор до јуни 2020 година. Аколатсе, кој е роден во Париз но има и државјанство на Того, доаѓа од редовите на Јувентус Букурешт, кој е негов последен клуб, а претходно има играно за француските нисколигаши Пор-сур-вие и Ле Харбер.
Претходно, Силекс се засили и со 26-годишниот српски офанзивец Марко Рајковиќ како и со Иво Јанакиевски од Тетекс, голманите Андреја Ефремов и Стефан Истатов, но и Адријан Чаволи, Петар Икиќ, Дејан Ристов и Виктор Серафимовски.
Втората фаза од подготовките кратовци ја реализираат во Охрид. За утре е закажан пријателски натпревар со Корча од Албанија, а договорени се и дуели со Струга Трим Лум (6. февруари) и Велазерими (9. февруари).
Крадењето авторски текстови е казниво со закон. Преземањето на авторски содржини (текстови и фотографии), како и нивно линкување НЕ е дозволено без согласност од Редакцијата на ЕКИПА