Италијанскиот стратег Симоне Инзаги ќе ја напушти тренерската функција во Ал-Хилал веднаш по завршувањето на последниот натпревар од оваа сезона во шампионатот на Саудиска Арабија, пренесува „Тутомеркатовеб“.
Според медиумите, заминувањето на 50-годишниот стручњак е веќе практично потврдено. Главните причини за разделбата лежат во јавните критики насочени кон неколку скапи летни засилувања кои не ги оправдаа очекувањата на теренот, како и во најавените промени во сопственичката структура на саудискиот гигант.
Инзаги пристигна во Ријад со големи амбиции, но несогласувањата околу трансфер-политиката и кадровските решенија го забрзаа неговото заминување од клупата по само една сезона.
Крадењето авторски текстови е казниво со закон. Преземањето на авторски содржини (текстови и фотографии), како и нивно линкување НЕ е дозволено без согласност од Редакцијата на ЕКИПА
