Фудбалерите на Атлетико Мадрид вечерва од 21 часот ќе се сретнат со Баерн Минхен во рамките на 5. коло од групната фаза во Лигата на шампионите, а Диего Симеоне се уште не знае дали ќе може да смета на Луис Суарез за дуелот со Баварците.
Уругвајскиот напаѓач засега нема добиено негативен резултат за коронавирусот, и ќе помине уште еден тест до мечот на стадионот „Ванда Метрополитано“.
„Овој вирус е многу чуден. Луис Суарез ќе биде тестиран денес. Чекаме да видиме што ќе каже тестот, и ако биде негативен, се надеваме дека тој ќе се приклучи на тимот. Суарез е многу важен за нас и ќе го чекаме до последен момент”, изјави Диего Симеоне.
Атлетико има само пет бода по првите четири кола во групната фаза од ЛШ и мора да оди на победа на дуелот со Баерн. Добра вест за Симеоне е што гостите се значително ослабени со неиграњето на Левандовски, Нојер, Горецка и Толисо.
Крадењето авторски текстови е казниво со закон. Преземањето на авторски содржини (текстови и фотографии), како и нивно линкување НЕ е дозволено без согласност од Редакцијата на ЕКИПА
