Романската тенисерка Симона Халеп се пласираше во финалето на ВТА премиер турнирот во Мадрид, откако за нешто повеќе од два часа игра ја совлада Швајцарката Белинда Бенчиќ со 2-1 по сетови 6-2, 6-7(2) и 6-0.
Актуелната шампионка на „Ролан горас“ подобро го започна натпреварот и за само 29 минута игра го освои првиот сет со 2-6. Вториот сет донесе вистинска борба на теренот. Швајцарката почна да игра одлично и по едночасовна битка, го освои тај-брејкот со 7-2 и го израмни резултатот.
Сепак, третиот сет изненадувачки лесно 6-0 го доби Романката и се пласираше во финалето на турнирот во главниот град на Шпанија, каде ќе се сретне со подобрата од второто полуфинале меѓу Американката Слоун Стивенс и Кики Бертенс од Холандија.
Крадењето авторски текстови е казниво со закон. Преземањето на авторски содржини (текстови и фотографии), како и нивно линкување НЕ е дозволено без согласност од Редакцијата на ЕКИПА
