Синоќа беа доделени наградите за најдобри поединци во француската Лига 1. Три големи награди му припаднаа на ПСЖ, а две од нив му припаднаа на Усман Дембеле, актуелниот освојувач на Златната топка.
Голот на сезоната на Дембеле му припадна за натпреварот против Лил во јануари, а заедно со таа награда ја освои и наградата за играч на сезоната во Лига 1.
Сепак, овој избор има свои контроверзии. Францускиот напаѓач има само девет настапи како стартер во оваа сезона од француската лига, а во однос на головите и асистенциите, тој е само на осмото место во лигата со 10 гола и шест асистенции.
Пред него се Павел Шулц (11 и 3), Корентин Толисо (11 и 4), Одсон Едуар (12 и 3), Фоларин Балогун (13 и 3), Хоакин Паникели (16 и 1), Мејсон Гренвуд (16 и 6) и Естебан Лепол (20 и 5).
Многумина ја критикуваа француската лига за изборот на Дембеле, иако Французинот е вклучен во гол на секои 60 минути на теренот. Титулата за најдобар млад играч му припадна на Дезире Дуе, најдобар голман е Робин Рисер од второпласираниот Ленс, а најдобар тренер е Пјер Саж, исто така од Ленс.
Крадењето авторски текстови е казниво со закон. Преземањето на авторски содржини (текстови и фотографии), како и нивно линкување НЕ е дозволено без согласност од Редакцијата на ЕКИПА
