Големи борби се водат во Дејвис купот за заминување на финалниот турнир во Малага. Во групата која се игра во Сплит дојде и до инцидент кој го предизвика Франсис Тиафо.
Американецот ја бркаше негативата која неговиот тим го имаше против Холандија, по поразот на Томи Пол од Ван де Зандшулп.
Тиафо (11-ти тенисер во светот) играше против 24-от на светската лига, Талон Грикспор и го загуби првиот сет со 3-6, а го доби вториот во тај-брејкот со 9-7. Следеше драма во третиот сет, каде Холанѓанецот во тај-брекот поведе со 5-2 и одсервира ас кој беше досуден како аут. Тијафо можеше да одговори на топката, но откако беше досуден аут не ја префрли на другата страна, за да после челенџ и евидентно добрата топка беше досуден поен за Холанѓанецот. Тоа беше 6-2 и причина Тиафо да полуди.
„Како вчера во ваква ситуација поенот беше повторен, а сега е доделен нему?“ – викаше на судијата и почна да удира со рекетот по терен.
CRAZY drama to finish 😱
Tiafoe and USA lose the match and tie to a POINT PENALTY!#DavisCup pic.twitter.com/3ZNjxhL0vF
— Tennis TV (@TennisTV) September 14, 2023
Поради тоа му беше изречена санкција со одземање поен, со кој Грикспор со 6-2 дојде и до 7-2 и победа на мечот за Холанѓанецот.
Со таа победа Холандија дојде и до предност над Американците од 2-0.
Крадењето авторски текстови е казниво со закон. Преземањето на авторски содржини (текстови и фотографии), како и нивно линкување НЕ е дозволено без согласност од Редакцијата на ЕКИПА
