ЕКИПА во Виена,
Никола Ѓуровски
Како што информираат од Австриската фудбалска федерација, скаути на десеттина европски клубови испратиле официјален допис со најава за присуство на квалификацискиот натпревар меѓу Австрија и Македонија вечерва од 20:45 часот на „Ернст Хапел“ во Виена.
Според последните информации на трибините на најголемиот австриски стадион ќе бидат скаути на Манчестер сити, Фиорентина, Аталанта, Келн, Вулверхемптон, Ла Коруња, Аланијаспор…, но и претставници на Израелската и Холандската фудбалска федерација.
Без сомнение, сето тоа е дополнителен мотив за дел од македонските репрезентативци кои ќе се најдат во составот на Игор Ангеловски поради бројните откажувања на стандардните првотимци поради повреди и жолти картони. Убава шанса, како мотив плус, за Тошевски, Зајков, Дарко Велковски, Ѓорѓев, Стојановски… кои се очекува да бидат дел од составот поради отсуството на Муслиу, Николов и Несторовски поради жолти картони и Алиоски, Адеми, Тричковски, Бејтулаи поради повреди. Неизвесен е настапот и на капитенот Горан Пандев.
Крадењето авторски текстови е казниво со закон. Преземањето на авторски содржини (текстови и фотографии), како и нивно линкување НЕ е дозволено без согласност од Редакцијата на ЕКИПА
