Најдобрата македонска тенисерка Лина Ѓорческа по вчерашната победа на турнирот во Куршумлијска Бања во Србија забележа скок од 30 места на последниот ВТА ранкинг и сега е 186. пласирана тенисерка на светот со што се приближи до рекордното 170. место кое го завзема во јуни 2017 година.
Скок на последниот ВТА ранкинг забележа и Магдалена Стоилковска која во моментов е на 1237. место што е за седум места повисоко од последниот ранкинг.
Во машка конкуренција пак нашите тенисери не забележаа големи промени. Единствен кој забележа скок на позиција е Обрад Марковиќ кој сега е рангиран како 1374. тенисер на светот.
Калин Ивановски останува со најдобар ранг, но младиот тенисер забележа пад од едно место и сега е на 331. позиција. Пад од една позиција имаше и Горазд Србљак кој сега е 1101. најдобар тенисер на светот.
Крадењето авторски текстови е казниво со закон. Преземањето на авторски содржини (текстови и фотографии), како и нивно линкување НЕ е дозволено без согласност од Редакцијата на ЕКИПА