Шалке 04 е единствениот бундеслигаш кој е во исклучително тешка ситуација поради пандемијата на коронавирусот. Славниот германски клуб побара помош и од навивачите, повикувајќи ги да се откажат од правата за поврат на средствата од платените сезонски билети и на тој начин да помогнат за полесен излез од тешката финансиска ситуација.
„Се обидуваме да ги намалиме трошоците, ги испративме работниците со скратено работно време и договоривме фудбалерите да не земаат плата овој период кога нема активности. Секако, се зависи од тоа кога ќе можеме повторно да заработуваме пари. Ако ова потрае ќе мора да преземеме и уште подрастични мерки“ – вели извршниот директор на клубот, Питер Петерс.
Еден од најважните денови за клубот е 2. мај кога треба да се добие последната уплата од германскиот сојуз како и сите бундеслигаши.
„Станува збор за нашата гола егзистенција. Како никогаш досега ни е потребен и дополнителен доход од спонзорите“ – вели членот на Извршниот одбор, Александер Јобст.
Крадењето авторски текстови е казниво со закон. Преземањето на авторски содржини (текстови и фотографии), како и нивно линкување НЕ е дозволено без согласност од Редакцијата на ЕКИПА
