Словачкиот хокеар Јури Слафковски беше избран од страна на Монтреал Канадиенс како прв пик на годинашниот драфт во најсилната хокеарска лига во светот, американско-канадската НХЛ.
18-годишниот хокеар ја засени конкуренцијата на Зимските олимписки игри во Пекинг годинава како и на Светското првенство, па така од втор план успеа да се наметна како прв пик на драфтот.
И вториот пик исто така е словачки репрезентативец, Симон Немец кој беше избран од Њу Џерси Девилс. Се работи за дефанзивецот кој на осум меча на СП за Словачка успеа да забележи шест поени, а веќе три години е професионалец во својата земја. Во топ 5 уште се најдоа и: Логан Кули (САД), Шејн Врајт (Канада) и Кутер Готје (САД).
Крадењето авторски текстови е казниво со закон. Преземањето на авторски содржини (текстови и фотографии), како и нивно линкување НЕ е дозволено без согласност од Редакцијата на ЕКИПА
