Клубовите сопственици на А лиценци го сменија Џорди Бартомеу, директорот на кошаркарската Евролига, и тој ќе ја напушти позицијата по завршувањето на сезоната на 30. јуни.
Олимпијакос, Панатинаикос, Макаби Тел Авив, Олимпија Милано и ЦСКА Москва, гласаа за смена на Бартомеу, и го срушија со надгласување со уште еден клуб. Не е познато дали е тоа Фенербахче или Ефес.
Веќе долго време во Евролигата владее незадоволство од раководството, и од првиот човек кој што е на чело на европското натпреварување веќе со години.
Смената на Бартомеу би можела да иницира драстични промени во Евролигата, пишуваат странските медиуми.
Крадењето авторски текстови е казниво со закон. Преземањето на авторски содржини (текстови и фотографии), како и нивно линкување НЕ е дозволено без согласност од Редакцијата на ЕКИПА
