Фудбалерот на Ливерпул, Доминик Собослаи, им се извини на навивачите на клубот по реакцијата што предизвика негативни коментари по поразот од Манчестер сити во ФА Купот.
Собослаи, кој е еден од најдобрите играчи на Ливерпул оваа сезона, беше критикуван поради гестикулирањето кон гостинските навивачи по поразот од 4-0 на „Етихад“. Неговиот потег со кревање на рамената, кревање на рацете и плескање некои го протолкуваа како сарказам.
„Можеби имаше недоразбирање меѓу мене и навивачите. Немав лоши намери. Знам колку значат навивачите за клубот и колку клубот им значи нив“, рече унгарскиот играч од средниот ред.
Тој истакна дека тимот дава максимум за навивачите и дека се надева дека поддршката ќе биде взаемна.
Крадењето авторски текстови е казниво со закон. Преземањето на авторски содржини (текстови и фотографии), како и нивно линкување НЕ е дозволено без согласност од Редакцијата на ЕКИПА
