Менаџерот на Манчестер Јунајтед, Оле Гунар Солскјер, сака во јануари да го доведе на „Олд Трафорд“ хрватскиот интернационалец Марио Манџукиќ. Тој не е во преден план кај Маурицио Сари во Јувентус, се обиде да замине во Катар, но, сепак, трансферот не се реализира и ќе остане во Торино најмалку до зимскиот преоден рок. Солскјер би сакал да го ангажира искусниот напаѓач и да го засили навалниот ред со нов квалитетен фудбалер.
Манчестер Јунајтед ова лето го напуштија Ромелу Лукаку и Алексис Санчез, и двајцата се преселија во Интер, а опциите на Солскјер се намалија и со повредата на Маркус Рашфорд. „Црвените ѓаволи“ вечерва во Лига купот го пречекуваат Рочдејл на домашен терен.
Крадењето авторски текстови е казниво со закон. Преземањето на авторски содржини (текстови и фотографии), како и нивно линкување НЕ е дозволено без согласност од Редакцијата на ЕКИПА
