По елиминацијата од Лига купот и од ФА купот во само три дена, менаџерот на Тотенхем, Марисио Покетино изјави дека за неговиот клуб е најважно да биде меѓу најдобрите четири екипи во Премиерлигата а не да освои некои од тие трофеи.
Но, не долго по него стигна и еден вид реплика од Оле Гунар Солскјер кој не се согласува со стратегот на Тотенхем…
„Ние сме Манчестер јунајтед и секогаш треба да конкурираме за освојување на Премиерлигата. Оваа година не можеме до тоа затоа што веќе е доцна. Но, следната година сигурно тоа ќе биде главна цел“ – вели Солксјер и дополнува:
„За нас само пласман меѓу најдобрите четири екипи во лигата не може да биде успех. Не е тоа, тоа. Имаме Лига шампиони, ФА куп… Мора да играме за трофеи. Ако освоите трофеј тоа е фантастичен ден за сите во клубот. Тој ден кога ќе освоиш нешто е најубавиот ден во твојот живот, затоа што никогаш не знаеш кога би можел да дојде следниот трофеј“.
Оле Гунар Солскјер настапувајќи за Манчестер јунајтед шестпати ја освои Премиерлигата а еднаш стигна и до трофејот во Лигата на шампионите, кога беше херој на финалниот натпревар против Баерн Минхен.
Крадењето авторски текстови е казниво со закон. Преземањето на авторски содржини (текстови и фотографии), како и нивно линкување НЕ е дозволено без согласност од Редакцијата на ЕКИПА
