Легендарниот италијански тренер Клаудио Раниери синоќа го имаше последниот свој натпревар во богатата кариера.
Раниери во последното коло од Серија А доби неверојатни овации од целиот стадион во Каљари, но и од фудбалерите на Фиорентина и судиите на мечот, на крајот од својата богата кариера. Успеа да го спаси Раниери тимот од Сардинија од испаѓање, и сега оди во пензија.
Токму затоа 72-годишниот Раниери не можеше да ги сокрие и солзите на синоќешниот дуел, не одолевајќи на прекрасниот момент приреден од целиот стадион.
Claudio Ranieri was visibly emotional after receiving a standing ovation from the crowd, players, and referee before the final match of his managerial career.
The Premier League winner is set to retire from football 🥹❤️️
📺 @tntsports & @discoveryplusUK pic.twitter.com/od2uefHgOO
— Football on TNT Sports (@footballontnt) May 23, 2024
Раниери во својата богата тренерска кариера беше на чело и на тимови како Фиорентина, Наполи, Валенсија, Атлетико Мадрид, Челси, Интер, Рома, Монак, но секогаш ќе остане запаметен како предводник на најголемото чудо во англискиот фудбал, кога го предводеше Лестер до шампионската титула во сезоната 2015/2016.
Крадењето авторски текстови е казниво со закон. Преземањето на авторски содржини (текстови и фотографии), како и нивно линкување НЕ е дозволено без согласност од Редакцијата на ЕКИПА
