Со натпреварите меѓу Атлетико Мадрид – Манчестер сити и Ливерпул – Бенфика вечерва ќе бидат познати последните патници во полуфиналната фаза во годинашното издание од Лигата на шампионите.
Диего Симеоне негативата од еден гол од првиот меч против Сити на „Етихад“ ќе проба да ја анулира со Жоао Феликс и Антоан Гризман во нападот. Од друга страна Пеп Гвардиола во нападот ќе почне со Фоден, Махрез и Бернардо Силва.
Во вториот вечерашен натпревар Јирген Клоп е сигурен дека ќе ја задржи предноста од 1-3 од првиот меч против Бенфика, па се одлучи на клупа да ги остави своите најдобри фудбалери Садио Мане и Мо Салах.
Крадењето авторски текстови е казниво со закон. Преземањето на авторски содржини (текстови и фотографии), како и нивно линкување НЕ е дозволено без согласност од Редакцијата на ЕКИПА
