Горан Пандев се враќа во стартниот тим на Македонија за вечерашниот дуел со Израел. Нашиот капитен поради болест го пропушти последниот дуел со Австрија, но вчера тренираше со полна пареа и денеска ќе се појави од првата минута на Националната Арена „Тодор Проески“.
Селекторот Ангеловски се реши за формација 4-2-3-1 во која Пандев ќе игра веднаш зад Стојановски, кој по дебито со гол во Виена овојпат ќе добие шанса од првата минута. Крај Пандев за креација задолжени ќе бидат и Елмас и Барди, а шанса во средниот ред ќе добие и Костадинов, кој одигра добар меч против Австрија пред неколку дена.
По одлежаната суспензија во одбраната се враќа Муслиу, на кого друштво во одбранбената линија ќе му прават Ристевски, Стефан Ристовски и Велкоски.
Крадењето авторски текстови е казниво со закон. Преземањето на авторски содржини (текстови и фотографии), како и нивно линкување НЕ е дозволено без согласност од Редакцијата на ЕКИПА
