Наполи вечерва ќе го пречека Милан во дерби натпреварот на 27. коло во италијанската Серија А. Во дербито на денот се очекува стартер за „наполитанците“ да биде и македонскиот репрезентативец Елиф Елмас кој е вистински миленик на тренерот, Лучијано Спалети.
Тој пред вечерашното дерби повторно говореше за тоа колку е заљубен во играта на Македонецот и беше полн само со пофални зборови на негова сметка.
„Елмас е офанзивен играч за врска, кој може да биде и „скриен напаѓач“. Тој е тип на фудбалер кој е одлучен кога ќе се најде во „жешката зона“. Може да се адаптира во различни ситуации, тоа го прави уште подобар, феноменален. Елмас е многу интелигентно момче, кој го разбира фудбалот. А она што ќе го сфати, никогаш и не го заборава. Пред него стои голема иднина“, изјави Спалети.
Натпреварот кој ќе се игра на арената „Диего Армандо Марадона“ е закажан за вечерва со почеток во 20.45 часот.
Крадењето авторски текстови е казниво со закон. Преземањето на авторски содржини (текстови и фотографии), како и нивно линкување НЕ е дозволено без согласност од Редакцијата на ЕКИПА