Словенечкиот кошаркар Лука Дончиќ одигра уште еден незаборавен натпревар и испиша историја во НБА.
Во победата на Лос Анџелес Лејкерс над Торонто Репторс од 131-125, чиј тренер е српскиот стручњак Дарко Рајаковиќ, словенечкиот ас постигна настап каков што никој пред него не успеал.
Дончиќ стана првиот кошаркар во историјата на НБА кој забележал најмалку 15 скока, пет асистенции, пет украдени топки и пет тројки во еден натпревар. Покрај тоа, погоди дури осум шута надвор од линијата од 7,24 метри.
Неверојатниот Лука го заврши натпреварот со 45 поени, 15 скока, шест асистенции и пет украдени топки, потврдувајќи уште еднаш дека е во исклучителна форма.
Од самиот почеток, Лејкерс ги контролираа настаните на паркетот, а во еден момент дури имаа и предност од 26 поени. Торонто се обиде да се врати во последната четвртина и успеа да ја намали разликата, но големиот пресврт сепак недостасуваше.
Тимот од Лос Анџелес со тоа стигна до петтата победа во седум одиграни натпревари од почетокот на сезоната, додека Торонто сега има учинок од три триумфи и три порази.
Успехот на Дончиќ во последните четири натпревари изгледа особено импресивен. Словенечкиот претставник постигна дури 175 поени, а постигна 52, 41, 37 и 45 поени соодветно.
Јасно е дека Лука ја презеде апсолутната одговорност во играта на Лејкерси и моментално е првата напаѓачка опција на тимот, околу која се врти речиси сè на паркетот.
Покрај Дончиќ, во победничкиот тим се истакна Остин Ривс со 19 поени, додека Вокер Кеслер запиша 16 поени и 15 скока. На другата страна, Скоти Барнс беше најефикасен со 29 поени, шест скока и пет асистенции. Барет додаде 22 поени, десет скока и пет асистенции, додека Џејмисон Батл го заврши натпреварот со 20 поени и пет скока.
Крадењето авторски текстови е казниво со закон. Преземањето на авторски содржини (текстови и фотографии), како и нивно линкување НЕ е дозволено без согласност од Редакцијата на ЕКИПА
