Коронавирусот му нанесе сериозен удар на спортот ширум светот, огромен број на лиги во најразлични спортови се прекинати, дел од нив без именување на првак, а и оние кои се прогласени за шампиони немаат можност да се израдуваат крај своите навивачи. Доказ за тоа е и оваа фотографија, како и видеото од денешното доделување на шампионската титула во Бундес-лигата на ракометарите на Кил, кои пехарот го примија стоејќи еден од друг на задолжителна дистанца од по два метри.
Неколку месеци по последниот одигран натпревар, „зебрите“ се собраа во празната сала за да го добијат пехарот што го заслужија како првопласирани во моментот на прекинот на натпреварувачката сезона.
Претседателот на Бундес-лигата, Уве Швенкер, му го врачи пехарот на капитенот Домагој Дувњак, но изостана еуфоријата што е вообичаена за шампионските титули во Бундес-лигата. За „зебрите“ сигурно е најважно што по неколку години се враќаат на тронот на германскиот ракомет, но задоволството ќе беше комплетно ако радоста можеше да се сподели со најверните фанови.
Die Schale ist endlich wieder in Kiel! Zum 21. Mal ist der THW Kiel deutscher Meister – unser Hauptsponsor Star Tankstellen präsentiert euch einige Impressionen von der Übergabe der Schale – danke für Eure Unterstützung, Ihr wart großartig!#WirSindKiel #NurMitEuch #KIDM2020 pic.twitter.com/cVQI07GmJv
— THW Kiel (@thw_handball) June 4, 2020
Крадењето авторски текстови е казниво со закон. Преземањето на авторски содржини (текстови и фотографии), како и нивно линкување НЕ е дозволено без согласност од Редакцијата на ЕКИПА