Олимпик Марсеј доживеа срамен пораз и елиминација во Купот на Франција од нисколигашот Андрезио. Тимот на Руди Гарсија иако настапи во речиси најсилен состав, загуби со 2-0 на гостувањето и го заврши настапот уште во 1/32-финалето од Купот.
Нгвабије во 17.минута донесе изненадувачко водство за домашниот состав, а Паје и соиграчите не возвратија до самиот крај. Во финишот, Андрезио постигна и втор гол преку Милја и го оствари најголемиот триумф во клупската историја, елиминирајќи го некогашниот европски првак Олимпик Марсеј.
Монако се пласираше во следната рунда од натпреварувањето со минимална победа (0-1) над нисколигашот Кане Русилион. Стрелец на победничкиот погодок за „кнезовите“ беше Муса Сила во втората минута.
Крадењето авторски текстови е казниво со закон. Преземањето на авторски содржини (текстови и фотографии), како и нивно линкување НЕ е дозволено без согласност од Редакцијата на ЕКИПА
