Србинот Марко Рајковиќ треба да биде најголемото засилување на Силекс за пролетниот дел од сезоната во домашниот шампионат.
26-годишниот напаѓач веќе се приклучи на тимот на подготовките во Негорски бања а доаѓа од српскиот прволигаш Слобода Ужице каде настапувал изминатава година. Претходно во својата кариера има настапи и за Телеоптик, Колубара, Металац како и албанската Аполонија.
Ново име меѓу кратовци е и фудбалерот од средниот ред Иво Јанакиевски кој доаѓа од второлигашот Тетекс. И Јанакиевски веќе е со тимот на подготовките на југот од земјава.
Претходно Силекс веќе се освежи со шест нови фудбалери, голманите Андреја Ефремов и Стефан Истатов, како и Адријан Чаволи, Петар Икиќ, Дејан Ристов и Виктор Серафимовски.
Крадењето авторски текстови е казниво со закон. Преземањето на авторски содржини (текстови и фотографии), како и нивно линкување НЕ е дозволено без согласност од Редакцијата на ЕКИПА