Италијанскиот првак Јувентус вечерва ќе му гостува на Манчестер јунајтед во Лигата на шампионите, а тренерот Масимилијано Алегри нема да може да смета на хрватскиот интернационалец Марио Манџукиќ. Тој остана во Торино поради повреда на скочниот зглоб, што ја заработи на последниот тренинг. Повредата не е премногу сериозна, но Манџукиќ не е способен за настап на „Олд Трафорд“.
32-годишниот напаѓач, според италијанските медиуми, требаше да биде стартер во нападот заедно со Кристијано Роналдо, а сега Масимилијано Алегри најверојатно ќе му даде шанса на Пауло Дибала.
Манчестер јунајтед исто така ќе биде ослабен, без чилеанскиот интернационалец Алексис Санчез.
Крадењето авторски текстови е казниво со закон. Преземањето на авторски содржини (текстови и фотографии), како и нивно линкување НЕ е дозволено без согласност од Редакцијата на ЕКИПА
