Македонскиот фудбалски репрезентативец Стефан Ристовски вечерва најверојатно ќе го одигра последниот меч за хрватскиот првак Ријека, дуелот против Салцбург од третото квалификациско коло во Лигата на шампионите, а утре ќе се упати кон Португалија и ќе потпише договор со португалскиот гигант Спортинг Лисабон. Овој клуб веќе подолг период ги следи игрите на Ристовски, а португалскиот спортски весник „А Бола“ тврди дека трансферот е веќе договорен и Спортинг Лисабон ќе исплати 3,5 милиони евра за услугите на десниот бек.
Ристовски беше интересен и за холандскиот првак Феенорд, како и за турскиот клуб Бурсаспор, но очигледно дека Спортинг Лисабон е најконкретен во намерата да го купи и да го направи свое ново засилување во пресрет на новата сезона.
Крадењето авторски текстови е казниво со закон. Преземањето на авторски содржини (текстови и фотографии), како и нивно линкување НЕ е дозволено без согласност од Редакцијата на ЕКИПА
