Стивенс елиминирана уште на стартот на Индијан Велс

Швајцарската квалификантка Стефани Фогеле направи големо изненадување со елиминацијата на четвртата светска тенисерка Слоун Стивенс, во второто коло на турнирот во Индијан Велс. Таа славеше лесно и убедливо со 2-0 во сетови (6-3, 6-0). Фогеле ја збриша шампионката на УС Опен од 2017 година за неполн час игра.

Стивенс имаше дури 32 неизнудени грешки и тоа беше клучот за нејзиниот пораз. Интересно, Фогеле поведе со 4-1 во победи во меѓусебните дуели.

„Тешко е да се справиш со противничка со која не ти одело добро и во минатото. Јас едноставно не играв добро“, изјави Слоун Стивенс.

 

Се вчитува...