Ракометарот на РК Вардар и македонски репрезентативец, Стојанче Стоилов, е избран за најдобар спортист на Македонија, а друштво на пиедесталот му прави каратистката Јована Георгиева. Тие се главните спортски лауреати за 2017 година во изборот на Агенцијата за млади и спорт.
„Ова е огромно лично достигнување, но ракомет сам не се игра. Сакам да се заблагодарам на колегите од репрезентацијата, и соиграчите од РК Вардар со кои ја израдувавме целата нација и направивме неверојатен успех. 2017 година беше за мене многу успешна година, но се надевам дека ќе продолжиме исто и во 2018 година, уште на стартот на Европското првенство во Хрватска“, изјави Стојанче Стоилов.
За најуспешен тренер, односно селектор, е избран Раул Гонзалес, кој во водеше РК Вардар до европската титула во Лигата на шампионите, а успеа и Македонија да ја одведе на Европското првенство во Хрватска.
Ракометната федерација е најдобрата во годината што изминува, Кире Лазаров доби специјална награда, а и неговите наследници од ракометната селекција до 21 година, се меѓу лауреатите. Победници се и ракометните кадетки во својата конкуренција.
Дејан Георгиевски (таеквондо) доби награда надвор од востановените категории, Андреј Стојаноски е најдобар спорист со инвалидитет.Иднината останува за каратистите Петар Заборски и Симона Симовска, кои се избрани за најдобри млади спортисти на Македонија.
СПОРТСКИТЕ ЛАУРЕАТИ ЗА 2017 ГОДИНА
СПОРТИСТ НА ГОДИНАТАСтојанче Стоилов – ракомет
СПОРТИСТКА НА ГОДИНАТАЈована Георгиева – карате
СПЕЦИЈАЛНА НАГРАДАКире Лазаров – ракомет
НАЈУСПЕШНА СПОРТСКА ФЕДЕРАЦИЈАРакометна федерација на Македонија
НАЈУСПЕШЕН ТРЕНЕР/СЕЛЕКТОРРаул Гонзалес – ракомет
НАЈУСПЕШЕН МАШКИ НАЦИОНАЛЕН ТИМРакометна репрезентација на Македонија до 21 година
НАЈУСПЕШЕН ЖЕНСКИ НАЦИОНАЛЕН ТИМ Ракометна репрезентација на Македонија – кадетки
СПЕЦИЈАЛНА НАГРАДА Дејан Георгиевски – Таеквондо
НАЈУСПЕШЕН СПОРТИСТ СО ИНВАЛИДИТЕТАндреј Стојаноски – пливање
НАЈДОБРА МЛАДА СПОРТИСТКАСимона Симовска – карате
НАЈДОБАР МЛАД СПОРТИСТПетар Заборски – карате
НАЈУСПЕШЕН УНИВЕРЗИТЕТСКИ СПОРТСКИ КОЛЕКТИВЖенски тим на карате на Универзитет Кирил и Методиј
НАЈУСПЕШЕН УЧИЛИШЕН СПОРТСКИ КОЛЕКТИВ ОД СРЕДНИ УЧИЛИШТАСОУ Никола Карев – Струмица
НАЈУСПЕШЕН УЧИЛИШЕН СПОРТСКО КОЛЕКТИВ ОД ОСНОВНИ УЧИЛИШТАОУ Страшо Пинџур – Кавадарци
Крадењето авторски текстови е казниво со закон. Преземањето на авторски содржини (текстови и фотографии), како и нивно линкување НЕ е дозволено без согласност од Редакцијата на ЕКИПА
