Европските шампиони тргнаа со подготовки, а капитенот на „вардарци“, Стојанче Стоилов тренира индивидуално. Причина е незгодната повреда што го мачи нашиот репрезентативец веќе подолго време, поради која врз Стоилов минатиот месец беше извршен и хируршки зафат.
Рехабилитацијата тече добро, но јасно е дека нема да биде кратка. Стоилов дефинитивно нема да може да настапи на Супер-Глоуб, а „црвено-црните“ се надеваат дека капитенот ќе биде „фит“ барем за стартот на сезоната во ЛШ, закажан за средината на септември.
Во ситуација кога си заминаа Калараш и Мораеш, се очекува Стоилов да биде прв пивот на Вардар во новата сезона, со оглед на фактот дека ниту Горпишин ниту Словенецот Сикошек Пелко немаат никакво искуство во европските купови.
Крадењето авторски текстови е казниво со закон. Преземањето на авторски содржини (текстови и фотографии), како и нивно линкување НЕ е дозволено без согласност од Редакцијата на ЕКИПА