Стуџински најдобар на Охридскиот маратон, Поп Ацев на второто место

Германскиот пливач Александар Стуџински е победник на 31. издание на Охридскиот пливачки маратон што попладнево се одржа во нашето најголемо езеро. Стуџински исплива одлично, оставајќи ги зад себе ривалите и заслужено освојувајќи ја првата позиција со време од 5:15:145 часа.

Веднаш зад него се најде нашиот пливач Евгениј Поп Ацев, кој во одлична завршница остави зад себе неколку ривали и го освои второто место, пред Гилјермо Бертола од Аргентина.

Што се однесува до женска конкуренција, таму првата позиција ја освои Барбара Позобон од Италија.

  

Се вчитува...