Работнички стартуваше со засилувањата за пролетниот дел од шампионатот во кој еден од најдобрите македонски клубови ќе брка европски излез. Како што дознава ЕКИПА, ново име на „романтичарите“ е бугарскиот интернационалец Николај Дилгеров, поранешен фудбалер на ЦСКА Софија, Славија, Лудогорец, Локомотив Пловдив и израелскиот Хапоел Ирони.
30-годишниот Дилгеров, кој ќе го засили средниот ред, е поранешен младински репрезентативец на Бугарија, а во Работнички доаѓа од редовите на Царско село каде настапуваше во првиот дел од сезоната.
Македонскиот клуб и Дилгеров веќе се договорени за шестмесечна соработка, до јуни 2019 година, со можност за продолжување на истиот.
Работнички подготовките за пролетниот дел ги стартува на 8. јануари кога и бугарскиот интернационалец се очекува да се приклучи на тимот.
Крадењето авторски текстови е казниво со закон. Преземањето на авторски содржини (текстови и фотографии), како и нивно линкување НЕ е дозволено без согласност од Редакцијата на ЕКИПА
