Елина Свитолина е најпријатно изненадување на стартот од ВТА-шампиoнатот, откако во второто коло во „белата група“ ја забележа и втората победа, овојпат над Каролина Плишкова со 2-1 во сетови.
За разлика од првиот дуел со Петра Квитова, овојпат украинската тенисерка наиде на посериозен отпор од страна на Плишкова. Свитолина беше подобра во првиот сет добивајќи го со 6-3, но Плишкова одговори со добра игра во вториот, славејќи со 2-6. Дилемите околу победникот исчезнаа на самиот почеток од третиот сет, што Украинката го отвори со водство од 4-0, за конечен триумф од 6-3.
И покрај двете победи на стартот, Свитолина се уште нема обезбедено пласман во полуфиналето, за што ќе и биде доволен само еден сет во последното коло против Каролин Вознијацки.
Крадењето авторски текстови е казниво со закон. Преземањето на авторски содржини (текстови и фотографии), како и нивно линкување НЕ е дозволено без согласност од Редакцијата на ЕКИПА
