Мајк Тајсон, по 15 години, повторно се врати во рингот. Во егзибициски меч во „Стејплц центарот“ во Лос Анѓелес, 54-годишнниот Тајсон и 51-годишниот Рој Џонс боксуваа осум рунда од по две минути, а на крајот борбата заврши без победник со одлука на жирито.
Тајсон веднаш по борбата бараше реванш, затоа што како што рече, мора да има победник меѓу нив двајцата.
Tyson’s entrance ? #TysonJonesJr #tysonvsjones
What I want to know is when does the album drop? pic.twitter.com/K9sGHnqR3y
— Hobshy (@hobshytv) November 29, 2020
Еден од најголемите боксери на сите времиња беше лут затоа што не ја заврши борбата. Удираше и по звукот на гонгот кој означува крај на рундата, исто онака како што правеше и во текот на кариерата. Очигледно беше силно мотивиран пред секоја рунда, но по 20 секунди остануваше без сила.
Брутални удари овој пат изостанаа, а љубителите на боксот видоа само кратка размена во петтата рунда. На крајот од секоја рунда Тајсон делуваше разочарано не сакајќи да оди во аголот. Според него, две минути за рунда се премалку, иако ја нема моќта и силата од најдобрите свои денови. Во последната рунда даде се од себе, покажа повеќе желба, но и двајцата едвај дишеа во рингот.
Тензии брзо престанаа а мечот заврши нерешено, што е најреален исход, иако Тајсон остави многу подобар впечаток упатувајќи двојно повеќе удари кон противникот.
Крадењето авторски текстови е казниво со закон. Преземањето на авторски содржини (текстови и фотографии), како и нивно линкување НЕ е дозволено без согласност од Редакцијата на ЕКИПА
