По заедничка истрага на германската и швајцарската полиција, откриен е обид за уцена на семејството на Михаел Шумахер.
Тројца мажи, меѓу кои и поранешен долгогодишен телохранител на семејството, се обиделе да изнудат 15 милиони евра заканувајќи се дека ќе објават чувствителни информации за здравствената состојба на Шумахер. Поранешниот телохранител Маркус Фриче почна да работи за семејството Шумахер 18 месеци пред несреќата на Михаел на скијање во 2013 година.
Како чувар имал пристап до доверливи информации. Меѓутоа, откако семејството решило да го замени персоналот што се грижел за Мајкл, Фриче, незадоволен од отказот, организирал криминална операција.
Групата побарала парите да се исплатат на две рати, а размената требало да се организира во канцеларијата на адвокатот на семејството Шумахер. Но, полицијата веќе ги следеше нивните активности.
Крадењето авторски текстови е казниво со закон. Преземањето на авторски содржини (текстови и фотографии), како и нивно линкување НЕ е дозволено без согласност од Редакцијата на ЕКИПА
