Женската тениска репрезентација на Македонија со пораз од Кипар од 2-1, ги заврши настапите во групата Б од третата Евро/африканска зона во Фед купот.
Во првиот меч Елени Луока лесно ја совлада Магдалена Стоилковска со 6-2 и 6-0, а најдобрата македонска тенисерка Лина Ѓорческа со 6-3 и 6-2 беше поразена од 205-та тенисерка во светот Ралука Сербан.
Во двојки шанса добија големите надежи на македонскиот тенис, 14-годишната Александра Симева и две години постарата Ана Ристовска кои го добија кипарскиот пар Константину и Хаџигеоргиу со 2-0, по сетови 6-2 и 6-2.
Утре нашите тенисерки во борба за петтото место ќе се сретнат со репрезентацијата на Малта.
Крадењето авторски текстови е казниво со закон. Преземањето на авторски содржини (текстови и фотографии), како и нивно линкување НЕ е дозволено без согласност од Редакцијата на ЕКИПА
