Контроверзниот тренер на Лидс и на Езгијан Алиоски, Марсело Биелса изнервиран од сообраќајниот метеж со кој се борел доаѓајќи на тренинзите си нашол практично решение. Аргентинецот си поставил кујна и соба за спиење во тренинг центарот на Лидс и сега веќе не мора да се мачи возејќи.
Биелса е во обид да го врати Лидс во Премиер-лигата по пауза од 12 години. Тимот на Алиоски во моментов е првопласиран на табелата во Чемпионшип лигата.
Биелса е познат по чудните идеи. По отказот од аргентинската селекција во 2004 година, отиде три месеци во манастир каде што живееше без телевизија и телефон и читаше само книги за фудбал. Тој ја одржа и најдолгата прес-конференција во историјата, зборуваше пред новинарите три часа, а на Мундијалот во 2002 отиде со 500 подготвени видеа за противниците.
Крадењето авторски текстови е казниво со закон. Преземањето на авторски содржини (текстови и фотографии), како и нивно линкување НЕ е дозволено без согласност од Редакцијата на ЕКИПА
