Кошаркарите на ТФТ не успеаја да го освојат трофејот на Интернационалниот турнир „Плевен 2022“ во Бугарија, откако загубија во финалето од домаќинот Спартак Плевен со 102-97.
Македонскиот тим имаше постојано водство во текот на целиот натпревар, но на крај дозволи домашните да дојдат до комплетен пресврт. Иако во последните две минути се влезе со 95-95, сепак во финишот Спартак направи предност од пет поени за конечен триумф.
А, ТФТ одлично влезе во натпреварот добивајќи ја првата четвртина со 26-21, предводени од Доналдсон, Костоски и Андерсон. Во втората четвртина македонскиот тим имаше предност и од 14 поени разлика (51-37), за да сепак во второто полувреме бугарските кошаркари успеат се да анулираат и да победат.
Лахлан Андерсон беше најдобар кај ТФТ со 20 поени, Виктор Ташовски заврши со 17 поени, а Трент дополни со 16 поени и девет скока. Во победничкиот тим се издвои Николај Стојанов со 26 поени и 10 скока.
Претходно, во натпреварот за третото место битолски Пелистер загуби од Левски Софија.
Крадењето авторски текстови е казниво со закон. Преземањето на авторски содржини (текстови и фотографии), како и нивно линкување НЕ е дозволено без согласност од Редакцијата на ЕКИПА