Македонскиот кошаркарски клуб ТФТ потврди дека се разделува со еден од најдобрите кошаркари последните години во македонскиот шампионат Дарин Говенс.
Говенс во Скопје стигна пред две години и веднаш израсна во лидер на клубот од Тафталиџе, а беше и еден од најдобрите кошаркари во Суперлигата.
„Во име на сите во ТФТ, сакаме да ја изразиме нашата најдлабока благодарност за се што му дадовте на нашиот клуб во текот на изминатите две години. Вашиот придонес на и надвор од теренот беше непроценлив. Преку вашиот професионализам, лидерство, посветеност и заложба, ни помогнавте да постигнеме важни цели и да прославиме извонредни успеси во Македонија и низ целиот регион.
Освен резултатите, оставивте траен впечаток врз нашата организација, нашите соиграчи и нашите навивачи. Вашиот карактер и работна етика поставија пример за сите околу вас. Горди сме што бевте дел од семејството на ТФТ и благодарни сме за спомените што ги создадовме заедно.
Додека го започнувате следното поглавје од вашата кариера, ви посакуваме само успех, добро здравје и среќа. Нека сите ваши идни цели станат реалност. Ви благодариме за сè, Дарин“, стои во соопштението на ТФТ.
Крадењето авторски текстови е казниво со закон. Преземањето на авторски содржини (текстови и фотографии), како и нивно линкување НЕ е дозволено без согласност од Редакцијата на ЕКИПА
