Поранешниот играч на ПСЖ Тиаго Силва, ја коментираше елиминацијата на францускиот тим од Лигата на шампионите од Реал Мадрид. Силва со Челси денеска ќе игра во Мадрид токму против „кралевите“ и посакува добар резултат.
„Незамислив пораз, за нас и пред се за луѓето кои навиваат за ПСЖ. Секоја година истото. Тимот само купува играчи, но не може да се направат големи промени и да се очекува резултат. Секогаш фудбалот да почнува од нула е неприфатливо. ПСЖ има многу пари. Но, парите не победуваат во фудбалот. Во Франција клубот победува, но тоа не значи ништо. Треба да се освои Лигата на шампионите, но тоа не е лесно“, рече Силва.
Бразилецот во 2020 година како слободен играч се пресели во Челси, со кој лани ја освои титулата европски првак.
Крадењето авторски текстови е казниво со закон. Преземањето на авторски содржини (текстови и фотографии), како и нивно линкување НЕ е дозволено без согласност од Редакцијата на ЕКИПА