Шпанскиот интернационалец Тијаго Алкантара најверојатно ќе го напушти Баерн Минхен во претстојниот летен преоден рок. Тој не успеал да се договори со раководството на германскиот првак за продолжување на соработката, а актуелниот договор му истекува во јуни 2021 година. Ова значи дека баварскиот клуб ќе му дозволи на Алкантара да замине по официјалниот крај на сезоната во Бундес-лигата.
Играчот за врска од семејни причини има желба да се врати во Барселона, од каде и пристигна на „Алијанц арена“ во 2013 година. Веќе седум години е дел од Баерн Минхен, одигра 150 натпревари и постигна 17 гола.
За него постои интерес од англискитe премиерлигаши Манчестер Сити и Ливерпул. Токму Пеп Гвардиола го доведе Тијаго Алкантара во Баерн Минхен, а сега би сакал да го има и во составот на „граѓаните“. Сепак, сериозен конкурент е и Ливерпул, откако Клоп решил да се вклучи по трката по одличниот играч за врска.
Крадењето авторски текстови е казниво со закон. Преземањето на авторски содржини (текстови и фотографии), како и нивно линкување НЕ е дозволено без согласност од Редакцијата на ЕКИПА