Кавадаречки Тиквеш и официјално го промовираше Никола Влајковиќ како свое ново засилување за престојната сезона во прволигашкото друштво.
„Искусен, борбен и докажан дефанзивец кој добро ги познава балканскиот фудбал и предизвиците што ги носи нашето првенство. Веруваме дека неговиот карактер, професионализам и квалитет ќе бидат значајно засилување за нашиот тим во сезоната што претстои“ – порачаа од Тиквеш.
Влајковиќ доаѓа од редовите на бугарскиот Ботев Враца каде настапуваше изминатава сезона, а претходно освои и шампионска титула со Струга ТЛ во Македонија.
30-годишниот десен бек претходно во кариерата играл и за Јагодина, Нови Пазар, Раднички Крагујевац и Раднички Ниш во српското првенство.
Крадењето авторски текстови е казниво со закон. Преземањето на авторски содржини (текстови и фотографии), како и нивно линкување НЕ е дозволено без согласност од Редакцијата на ЕКИПА
