Роџер Федерер се пласираше во полуфиналето од Мастерс-турнирот во Париз, откако во последниот четвртфинален дуел швајцарскиот тенисер славеше со 2-0 во сетови над Кеи Нишикори.
Швајцарскиот великан беше подобар во текот на целиот меч, а како пресуден се покажа финишот од првиот и стартот од вториот сет, кога Федерер стигна до брејк, па потоа благодарение на својот сигурен сервис рутински си ја осигура победата со идентични 6-4, 6-4. Денешниот триумф беше и јубилеј за големиот ас, кој го обезбеди своето 200. полуфинале на АТП-турнирите во кариерата.
Утрешната полуфинална пресметка дефинитивно ќе биде спектакл ако се знае дека Федерер за ривал ќе го има Новак Ѓоковиќ, кој по голема битка денеска славеше со 2-1 во сетови над Марин Чилиќ.
Крадењето авторски текстови е казниво со закон. Преземањето на авторски содржини (текстови и фотографии), како и нивно линкување НЕ е дозволено без согласност од Редакцијата на ЕКИПА
