Германскиот првак Баерн Минхен ја продолжи соработката со офанзивецот Томас Милер до 2023 година. Раководството на клубот му понуди нов двегодишен договор, а Милер без размислување се сложи да остане на „Алијанц арена“.
„Двете страни со задоволство прифатија обновување на договорот. Сигурен сум дека ќе имаме многу заеднички успеси во иднина, како впрочем и досега. За мене Баерн Минхен секогаш е врвен приоритет, а среќен сум дека и клубот го мисли истото за мене. Минав две третини од животот во Баерн Минхен, за мене клубот е пасија, среќен сум што ќе другаруваме заедно уште две дополнителни години“, изјави Томас Милер.
Фудбалерите на Баерн Минхен од почетокот на оваа седмица се вратија во тренинг базата и работат во помали групи на пет фудбалски игралишта. Тренерот Ханси Флик прв ги воведе и „сајбер“ тренинзите, а сега и повторно го изнесе тимот на фудбалски терен во периодот кога Германија, а и светот, се бори со пандемијата на коронавирусот.
Крадењето авторски текстови е казниво со закон. Преземањето на авторски содржини (текстови и фотографии), како и нивно линкување НЕ е дозволено без согласност од Редакцијата на ЕКИПА
