Шпанскиот гигант Реал Мадрид подготвува трансфер – револуција следното лето и создавање на нов моќен тим, но плановите на Флорентино Перез очигледно нема да се реализираат така лесно. Тој го посакува данскиот интернационалец Кристијан Ериксен на „Сантијаго Бернабеу“, но тоа засега е невозможна мисија. Тотенхем одговори дека Данецот чини 250 милиони евра, што секако е неприфатливо за „кралскиот клуб“.
Ериксен треба да биде наследникот на Лука Модриќ, кој исто така од Тотенхем пристигна во Мадрид. Двата клуба имаа голема зделка и за Герет Бејл, но засега Реал Мадрид не може да смета дека ќе го има Ериксен. Сепак, преговорите ќе продолжат, а Флорентино Перез сигурно ќе мора да вклучи најмалку уште еден фудбалер во понудата доколку сака да го реализира овој трансфер по завршувањето на сезоната.
Крадењето авторски текстови е казниво со закон. Преземањето на авторски содржини (текстови и фотографии), како и нивно линкување НЕ е дозволено без согласност од Редакцијата на ЕКИПА
